周秀娜內地傾生意 戒嚴唔出夜街
周秀娜（Chrissie）近年經常往返內地拍戲，又與內地內衣品牌合作做生意，當她得悉許亦妮母親在內地慘被扑頭搶劫，她揚言出入會小心：「慶幸冇試過呢啲事，自己返內地都有助手陪，拍戲有劇組車出車入，同埋我喺內地都盡量唔出夜街，冇嘢做就留喺酒店，聽到呢個消息都會再小心啲。」而其師妹A. Lin目前在北京讀書，她表示曾在晚上到便利店買零食時，一名外籍人士鬼鬼祟祟意圖搶劫，她嚇得即時離開及致電返港。
而在內地發展多年的藝人劉玉翠表示，近年甚少到東莞，問到知否當地治安欠佳？她說：「其實每個地方都會有唔安全嘅事發生，我返到內地唔會穿金戴銀、低調啲，聽朋友講嗰啲狂徒會揸電單車搶你金鏈，搶唔到連手都斬埋。」