Dominic晒恩愛讚糖妹「甜」
糖妹早前被本報踢爆與組合Bro5成員Dominic拖手返家，昨日他倆各自出席活動，Dominic與三位成員在跳街頭舞，司儀取笑Dominic說：「聽講你近排好Sweet。」Dominic冧笑說：「近排糖分好高。」跳到滿頭大汗的Dominic大讚女友「佢真係幾甜」，身旁的三位成員即「打冷震」，明寸他「晒恩愛」。糖妹未公開拍拖前曾表示暗戀一名圈中大隻仔，Dominic說：「我哋識咗三年，我係好慢熱。」問到是否女追男？Dominic說：「自然走埋一齊，佢真係幾甜。」他還大方表示已見家長，談到糖妹傳曾結婚，他說：「假嘅，佢乜都同我講，佢冇提過呢樣嘢。」
而糖妹亦透露有意搵男友擔任糖兄婚禮的花仔：「我做花女，如果佢有時間會推介佢做花仔。」糖妹坦言很開心搵到好歸宿，糖兄亦大讚Dominic靚仔及人品好。
糖妹笑言搵Dominic做糖兄婚禮的花仔。
Dominic（左二）大讚糖妹，其他成員即「打冷震」。