聞上海仔示愛 徐子珊嚇親

「上海仔」郭永鴻因捲入今屆特首選舉而被公眾認識，他更驚爆鍾情無綫花旦徐子珊，然而子珊昨日得悉「上海仔」公然示愛後大感愕然，但仍感謝對方賞識！

近日成為新聞人物的「上海仔」郭永鴻，雖然並非娛樂圈中人，但卻與不少藝人扯上關係，日前他接受本報訪問時，還衝口而出表示最愛徐子珊，相當豪氣，顯然愛得坦白。

正忙於拍攝新劇《雷霆掃毒》的子珊，昨日得悉「上海仔」愛的呼喚後大為愕然，她表示只從報章上獲悉對方的名字，但私底下雙方並不認識，談到對方點名力讚，子珊笑說：「好多謝對方咁賞識我啦！」

狂接朋友電話

而與「上海仔」青梅竹馬的梅小惠則透露，昨日報道出街後，雖然未有與對方聯絡，但卻接獲不少朋友來電，她說：「朋友講笑話佢上A1，我就上C1（人哋話鍾意子珊，你覺得自己係咪唔及佢？）又唔會，我同子珊唔同類型，咁確實子珊又係幾得人鍾意，我家姐梅小青同姐夫劉家豪都好鍾意佢，所以子珊唔只吸引上海仔，就連北京仔同江門仔都吸引埋。」

讚孝順有義氣

問到現時是否沒有人敢欺負她？小惠笑指向來少得罪人，更說兒時的舊居尚在，並已決定不會變賣，因基於近日的報道，預料會有不少人前來參觀，說不定會令樓價升值，談到「上海仔」宣布單身，小惠對此大為擔心，她說：「因為佢係一個好孝順同有義氣嘅人，所以單身會引嚟好多狂蜂浪蝶，一定唔得閒再理我呢個小妹妹，同埋佢好好人，細個我爸爸成日整蠱佢都冇嬲，仲好尊敬我父母添！」