馬國明喊出演技 觀眾Like爆

馬國明主演的劇集《On Call 36小時》前晚播出的一集，講述飾演醫生的他未能救活細佬「一康」魏焌皓，自責崩潰嚎哭，催淚劇情感動網友，力撐他有力爭視帝，成筍上加筍的「筍盤」。

被譽為圈中「筍盤」的馬國明，獲網友力捧爭「視帝」，似乎愈來愈「筍」，他昨日接受電話訪問時說：「多謝觀眾支持，但唔敢邀功，係編審寫得好，大家嘅化學作用，獎項嘅嘢隨遇而安，依家先係三月，嚟緊仲有好多大劇出，大家覺得我有資格爭視帝，已經好開心。」問到可希望開拍續集？他說：「Tommy（無綫高層梁家樹）講笑話反應咁好要開續集，當然希望原班人馬啦！」

另外，馬國明昨日出席活動時表示愛情隨緣，對於與胡定欣復合的傳聞，他說：「多謝傳媒煲，對劇有幫助。」他又大讚胡定欣是好女仔，多人追。此外，前晚錄影《姊妹淘》的李詩韻，被問到可有興趣爭「筍盤」馬國明，她笑說：「睇定啲先，大家係好朋友，識咗好耐。」

張慧雯螢幕初吻被剪

同屬新人的張慧雯和魏焌皓在《On》劇中飾演情侶，大受觀眾歡迎齊齊跑出，昨日兩人接受專訪時被問到現實中有沒有機會發展成情侶？張慧雯說：「考慮吓啦！」魏焌皓則說：「將來嘅嘢冇人知。」張慧雯又自爆螢幕初吻已獻給魏焌皓，可惜最後被刪剪。

髮型：Jackal Cher@HAiR（又一城）