高海寧遭博懵裙留穢物
譚詠麟（阿倫）自四大與無綫破冰後，前晚事隔兩年多再次踏足電視城錄影《博愛歡樂傳萬家》，但笑言不用鄭裕玲帶路。早前被拍到與紅顏知己Wendy同遊韓國，阿倫說：「可能係遊客影嚟賺啲旅費啦！」
以低胸裝搶鏡的高海寧透露，積極籌備今年在書展推出新書，笑言寫到腦閉塞：「會寫以前畀人博懵嘅嘢，試過畀人整污糟條裙。」但避談被甚麼弄髒，至於會否教授豐胸秘技？她笑說：「呢啲媽咪遺傳，冇得教。（書中加插寫真相？）會有細個嘅相，寫真競爭大，對自己嘅文字有信心啲！」
阿倫（中）再亮相無綫節目，與後輩欣宜（右）及江若琳演唱亦格外投入。
鄭裕玲錄影途中脫去高踭鞋。
高海寧透露對新書銷量有信心。