李泳豪「新歡」見光死
李泳豪被傳與中、韓模特兒Miki拍拖，但有指女方身份複雜，曾與洪天明拍拖，現時已婚。李泳豪昨日與父親李家鼎到九龍城用膳時說：「只係剛剛識咗約兩個月，唔知對方有老公，之前都答過話未開始，只係朋友。如果佢真係有老公，我梗係唔會做第三者。」他澄清當日報道出街後，大家已再沒有聯絡。他直指現時單身，不想再談感情事，希望專心工作和賽車。問到日後與楊思琦工作時碰面會否尷尬，他說：「分咗手都係朋友，但復合係冇可能，朋友上幫忙都會。」他又指因事件失眠一星期。父親李家鼎表示未見過Miki：「個仔都話係啱啱識。（唔抵？）順其自然啦！異性朋友唔係一定講到要追咁離譜。」而快將下嫁洪天明的周家蔚說：「天明都解釋咗，係與唔係都唔會嬲！」
李泳豪（左）與父親李家鼎昨日一同用膳時，心情不錯。