Kelly囝囝避流感 缺課四日

陳慧琳（Kelly）早前身懷巨肚仍送愛兒劉昇（蝦餃仔）返學，但昨日有家長報料指蝦餃仔已缺課4天，令人懷疑與Kelly已分娩有關；而另一星級父母郭晉安及歐倩怡則化身「保鏢」親送長子返學，以策萬全。

愛子如命的Kelly雖臨盆在即，早前仍挺住8個多月巨肚，親送蝦餃仔返學、放學，但昨日記者在蝦餃仔就讀的幼稚園守候，未見Kelly母子蹤影，有家長報料說：「蝦餃仔由上個禮拜五開始都冇返學啦！」有人懷疑因Kelly已入院生細仔「小龍包」，故劉家因「東主有喜」而「放假」數天。記者曾走訪Kelly的寓所，發現她的司機分別於下午2時及晚上7時許，駕駛Kelly座駕離開劉宅，兩次都未見Kelly母子在車上。

戴口罩防細菌

Kelly透過經理人公司發言人譚先生表示：「蝦餃仔流鼻水呀！因為佢病咗，Kelly唔想佢傳染畀同學仔，所以先唔返學，加上依家流感高峰期，都係留喺屋企好啲，佢（蝦餃仔）仲會休息幾日，聽（今）日都唔會返學住。」他又稱Kelly現忙於照顧抱恙中的愛兒，因蝦餃仔不肯戴口罩，惟有改由身懷六甲的她戴口罩防細菌。對於「涉拐子佬」事件，譚先生則不作回應。

談及Kelly預產期在4月，譚先生說：「未生得住，如果入院生咗，一定會公布好消息。」並稱Kelly懷着平和的心情等待「小龍包」出生，問到是否已為細仔改定名？他指因Kelly夫婦想「小龍包」跟哥哥劉昇用單字名，兼且名字要「簡單又有型」，故難度較高，暫未落實。

另一邊廂，郭晉安與老婆歐倩怡昨午駕車到九龍城幼稚園接兒子郭令山放學。對於拐子佬傳聞，安仔擔心不已，故抽空親自接送愛兒：「呢排要睇實啲，盡量提高警覺。囝囝仲細，唔好話拐，夾硬捉走佢都有可能！」他直斥拐子佬卑鄙及冇人性：「我都唔想同個仔講呢啲傳聞，太恐怖！好彩佢好少同陌生人講嘢。（陳奕迅講笑話請保鏢？）我得閒啲，可以做埋保鏢，哈哈！」安仔表示不會讓兒子跟工人出街：「當然係父母跟身啦！」此外，安仔希望有關當局盡快徹查涉誘拐兒童的事件：「依家好多傳聞，有真有假。如果話啲拐子佬係內地人，點解佢哋要咁麻煩嚟香港拐帶呢？又要花心思運返上內地。」