陳豪讚茵靚到爆分
陳豪昨日與女友陳茵媺（Aimee）身穿禮服及婚紗出席活動，除簽字及切蛋糕，又玩拋花球，十足預演婚禮！
心花怒放的陳豪坦言非常開心：「好耐冇同Aimee一齊做嘢，但有少少尷尬！」他大讚氣氛好：「都夠Sweet啦！」問到對女友的新娘Look是否滿意，他賣口乖說：「好靚，Beautiful，爆分！（暈浪？）OK，好靚，我指個場地。」不過玩遊戲時，他一度認錯Aimee的玉手，問到會否扭耳仔，Aimee說：「佢搞氣氛啫！」至於是否兩份酬勞一個人收，陳豪笑說：「邊個收都冇所謂。（婚禮都咁公開？）到時先算啦！」
此外，對於舊愛廖碧兒埋怨他單方面宣布分手，陳豪說：「過咗去嘅事唔方便回應。（因為Aimee喺度？）第一啦！（同女友交代？）一向冇傾呢啲問題。」Aimee則為他護航：「諗得正面啲，開開心心最重要！」談及馬來西亞咖啡店結業一事，陳豪說：「總之依家冇搞啦！」
感情穩定的陳豪與陳茵媺再度預演婚禮，甜蜜爆燈！