可疑男女跟實囝囝趙嘉懿嚇餐懵

拐子佬新聞引起全城恐慌，育有一子的模特兒趙嘉懿，更於一星期前遇上兩個疑似拐子佬，驚到標汗！她憶述當日與母親及外傭帶囝囝到兒童樂園玩，期間到附近購物，母親則站在樂園門外，只有傭人陪同囝囝：「有一對男女追住我工人同囝囝，不停讚我個仔得意，仲跟咗好耐，我工人發覺唔對路，大叫我媽咪過去，擾攘咗一輪佢哋先肯走，但之後又折返現場，就算佢哋唔係拐子佬，都一定有問題！」她坦言對兒子向來緊張，必定安排家人陪囝囝外出：「唔可以靠工人，最重要係教小朋友提防陌生人。」

至於育有一女的名模琦琦，不但堅持接送囡囡上下課，更由前天開始與她玩角色扮演：「我叫工人扮壞人，練習遇到壞人時要點應付，呢樣嘢唔可以只練一次！我教佢高聲叫救命同Help，同埋保持鎮定！」另一模媽歐陽妙芝則指囝囝的學校明顯加強保安：「我成日叫小朋友小心，喺學校範圍去廁所都要有人陪，我一定親自湊小朋友，仲要拖實佢哋嘅手，無論去邊都要小朋友喺我視線範圍內，同企喺我前面！」