阿樂變色狼 轟黑客無恥

余文樂的手機照片分享Apps戶口慘遭黑客入侵，並放肆地上載裸女照，令阿樂無辜變成「色情狂」﹗阿樂得悉後大為氣結，並鬧爆黑客無恥！

余文樂平時最愛透過社交網站微博、Facebook及手機照片分享Apps Instagram與粉絲溝通及更新近況，不過近日其Instagram戶口慘遭黑客入侵，令他不勝其煩！事緣阿樂前晚出席電影《情謎》首映禮，坐車期間獲好友周柏豪告知，其Instagram戶口竟上載裸女照及有幾張不明來歷的外籍男士合照。無端被惡搞為「色情狂」的阿樂即登入查看，發現戶口名已被改為「iammaxxxx」，連密碼亦被更改，令他大感氣憤！

粉絲爆粗代出頭

為免粉絲上當，阿樂先在首映活動上以正視聽，他無奈地說：「連我個名都改埋，好煩！（可以改番名？）密碼都畀黑客改埋，自己入唔番，希望Fans唔好以為係我Upload啲相上去！」其後阿樂在Facebook及微博留言呼籲粉絲小心，不少粉絲得悉偶像的Instagram被入侵，即留言鬧爆黑客行為，部分粉絲更忍不住爆粗。據了解，阿樂已玩了Instagram一年，會跟粉絲分享日常工作花絮。他透過發言人梁小姐回覆本報：「依家啲相攞唔番，真係唔知點算！嗰個黑客真係好無恥！」由於阿樂忙於宣傳新戲，幸獲朋友代發電郵到Instagram投訴，昨午終令戶口「重生」，阿樂即留言「Yeah！I am back！」兼上載舉起勝利手勢的大頭照！對於阿樂今次慘遭黑客入侵戶口，本港法律界人士黃國桐律師提議他報警求助，干犯者有機會觸犯《民事罪行條例》第161條，《有犯罪或不誠實意圖而取用電腦》罪，一旦罪成，最高可判入獄三至五年。

舒淇肉搏扯皮帶

另外，阿樂前晚與以新形象示人的舒淇出席首映禮，阿樂大讚舒淇靚女。談到兩人在戲中有激情戲，阿樂表示不感尷尬，並大爆：「佢（舒淇）一嚟就扯我條皮帶，我都嚇一嚇！冇諗過一嚟就咁，但好開心唔使就住，佢演得好放。（當舒淇女友？）或多或少，拍戲要投入，要有喜歡感覺都好正常，唔鍾意佢又點拍？我諗大家都有呢種Feel。」對於早前被指與一名女子拍拖，他否認：「嗰個係朋友嘅朋友，當日係成班人一齊。」而舒淇對該激情戲有讚無彈，大讚充滿挑逗性：「因為劇本寫得好Details，拍完導演都要深呼吸，我仲問佢使唔使除多啲？」