高鈞賢愛犬辟邪
前港男高鈞賢（Matthew）雖然Man爆，但對柴犬MonMon照顧有加，更經常陪牠周圍玩。Matthew透露自小已喜歡養狗，奈何年幼時曾「錯失」一段人狗情：「嗰陣爸爸買咗隻狗仔返嚟，但因為媽咪忙住照顧我同家姐，冇時間再理隻狗，所以養咗四日就送咗畀人，我同家姐仲因為咁，跪喺廳度喊。」
猶幸Matthew現有MonMon填補心靈創傷：「本來因為佢眼矇矇而改名叫『Lemon』，後來佢成日肚屙，仲試過360度咁噴屎，所以改名做MonMon（意即Money）『辟邪』囉！」他又踢爆愛犬甚有性格，經常發生「阿崩叫狗」的慘況：「柴犬比較Cool，有時叫佢過嚟都唔聽。我早出門拍劇佢又唔會起身送我，一到凌晨12點就照瞓，唔理人o架！」雖然MonMon相當得戚，但Matthew仍以「大愛」包容牠：「之前有朋友講自己隻狗過咗身，我聽聽吓都眼濕濕！」
高鈞賢對柴犬MonMon疼愛有加，即使經常被「冷落」也不介意！
