馬國明學界必殺 王梓軒威到美國
不少熱愛運動的藝人，自小已獲獎無數！其中馬國明早於中學時期已在足球場馳騁：「我係中學校隊代表，贏過全港學界亞軍，當年我高人哋成個頭，所以『頂頭槌』係必殺技！」談及林書豪效應，他說：「因為佢，我開始留意籃球賽，亦多謝佢影響時下小朋友放低遊戲機，注意運動。」而歌手王梓軒則於8歲開始學柔道，其後赴美留學時轉玩摔跤，更贏得美國新英格蘭區際冠軍，他說：「得兩個亞洲人比賽，估唔到我會贏，但玩摔跤搞到我隻牙崩咗，仲要杜牙根！」至於詠春高手陳嘉桓更厲害，曾創出世界紀錄，她是葉問徒孫冼國林師傅的徒弟：「初時的確幾辛苦，亦試過受傷、拗柴，以前企得耐都見暈，但習武之後身體好咗。」
馬國明曾奪得第五屆傳媒足球盃冠軍，亦曾為無綫捧走冠軍盃。
外表斯文的王梓軒（右），想不到是柔道及摔跤高手。
拜師四年的陳嘉桓，習武後健康好轉。