梁漢文Iris波牛狂熱

NBA新星林書豪引發的Linsanity「瘋潮」席捲全球，不少外國及本港明星、名人都是他的粉絲。其實香港娛樂圈亦臥虎藏龍，運動健將多的是，不少藝人自小已是學界精英，甚至是港隊代表！

俗語有云「外甥多似舅」，梁漢文（Edmond）對足球的沉迷，或者就是自小受舅父、已故「亞洲第一中鋒」尹志強影響。眾所周知，Edmond是一位出色的中鋒，控球技術出色，「掃把腳」、「炮彈式射球」及「頂頭槌」都是他的招牌，想不到他亦是球場上的「鋼門」，他說：「我第一樣擁有與足球有關嘅物品係龍門手套，大約6歲嘅時候，由一位長輩送畀我。當年我好鍾意同幾個朋友仔去球場搓波，有時輪到我守龍門，自小訓練有素，所以我唔只踢得，其實亦守得o架！」

傷痕當戰績

熱愛踢足球的Edmond，得到不少長輩及朋友支持，但原來亦曾受打擊：「大約13歲嘅時候，我有一次去泰國比賽，當時本應分年齡界別作賽，但對方竟然派出16、17歲嘅球員出戰，而我當年嘅高度只係見到對方心口，結果被佢哋撞到成個人飛起、翻轉，遍體鱗傷！」幸好他沒有因而放棄足球，反而以此役為榮：「雖然我哋輸咗，但雖敗猶榮，因為我哋有專業嘅體育精神！」談及籃球明星林書豪旋風，Edmond亦有留意，大讚他是一位很有毅力的球員，很值得年輕人學習。

梁漢文 Profile

運動：足球中鋒

資歷：5歲起踢足球，13歲成為小學生教練，是唯一一個入選YMCA足球隊的中國人，16歲加入香港足球代表隊青年軍。

有「爆E超蓮」之稱的鍾采羲（Iris），在英國讀高中時屬籃球校隊，在校內外的比賽均贏得獎項，問到為何愛上打籃球，她說：「我好鍾意射波嘅感覺，不過少啲女仔打波，所以通常都係同男仔練波！」她坦言與男仔練波少不免被「恰」，雖然輸多贏少，但可從中偷師：「試過為啖氣通宵練波，最後仲贏咗佢哋，令佢哋另眼相看。」

雖然回港後工作繁重，但她仍不時抽空相約朋友打波：「技術一定生疏咗，如果有機會都想組隊打街頭比賽，但我身邊嘅女仔好少鍾意出汗做運動，可能要搵男仔組隊。」

Iris Profile

運動：籃球

資歷：打籃球7年，在英國多次於校外及校內賽事奪得冠軍。