Mika寸Mia拍寫真：送都唔要

龐錢景峰舊愛蕭美卡等模前晚性感出席活動，她狂寸過氣情敵陳靜儀（Mia），直言對方的寫真送都唔要！

許穎（Phoebe）、龐錢景峰舊愛蕭美卡（Mika）、「爆E超蓮」鍾采羲（Iris）、「混血E神」林宜芝（Monna）與夏然然（Cassie）前晚以低胸短裙擔任模特兒比賽活動評判。上年於寫真戰中與過氣情敵Mia火併的Mika狂寸對方：「我後生啲！（寸佢老同生過BB？）講事實！（買對方寫真？）送都唔要！冇咩興趣！」因對方曾與龐錢景峰拍拖？她否認：「佢同過咁多人拍拖！唔通我又要嬲咩？」

鍾采羲轟新人露點

另外，Iris今年會出寫真，卻狠批新人：「今年啲新人真係愈嚟愈激進！又話露三點，好淫褻！」而模Phoebe拒絕與同場的Iris及Monna合照，她說：「大家唔同級數！我係天然Cup！佢哋係師妹級！」她事後在微博大發牢騷：「我是不是又被人擺上枱呢？又要同啲乜嘢人合照！」另外，郭秀雲前晚出席寧波車新書發布會，兒子龐錢景峰未有同行。有傳兒子女友復活節來港，她大讚：「佢成日都嚟，好乖女o架！」