張學潤Cammi孖住上「嚇」鬼
Cammi近日與「餅印」的張學潤（Nel Nel）合作主持有線節目《怪談》，今次「父女檔」上陣，Nel Nel否認是踢走梁思浩，但暗寸對方欠新鮮感：「我以前都係《怪談》主持，出咗三本鬼故事，夠晒資格，而且有新鮮感係好事。」
Nel Nel日前戴上假髮反串扮長髮女鬼拍宣傳片，爆笑度十足，勁入戲的他，鏡頭後卻有萬二分的「不甘心」：「真係大細超，要我化個咁核突嘅妝，又要踎到腳痹，但Cammi就輕輕鬆鬆坐喺度。」Cammi即自爆「慘位」反擊：「我聽完鬼古會瞓唔着，好難想像一晚睇咁多靈異事件之後會點。」
Nel Nel（左）投入扮女鬼，Cammi卻似乎未交到戲扮驚喎！
各方面都講究專業精神的Nel Nel，扮長髮女鬼「Easy執」啦！