Rainbow升「胸」跳兩Cup

o靚模Rainbow、Cammi及Ar Yu日前結伴選購Push Up Bra，Rainbow眼見Ar Yu的紅色Bra升胸效果驚人，即唔執輸「試埋一份」，成功營造D Cup爆乳效果，其後三人到咖啡店卻無啦啦把玩防狼器，令人嘖嘖稱奇！

o靚模Rainbow（胡心諾）、謝芷蕙（Cammi）及Ar Yu（曾寶玲）不時大傾「身材經」，日前便結伴現身尖沙咀DNA商場，瘋狂埋首選購Push Up Bra「塑身」。選了紅色戰Bra的Ar Yu步出試身室時，原本已屬D Cup的上圍更見澎湃，令挑了粉紅色束衣、33B上圍仍「平平無奇」的Rainbow得個恨字，即時「唔執輸」搶試對方的同款Bra，成功唧出D Cup效果，即「得戚」走出試身室晒料！

Ar Yu見Rainbow升胸效果比自己更驚爆，忍不住伸手替Rainbow驗胸，Rainbow即反（目及）對方還擊，兩女懶理旁人目光，將內衣店變驗胸場，認真香艷。至於Cammi雖然挑選了束衣往試身，但「收收埋埋」閉門自賞，沒有如兩位師姐般的「公開」成果。

谷行宣傳楊冪新劇

三人其後轉往咖啡店，卻失驚無神拿出防狼器把玩，結果發出刺耳聲響，惹來同場食客怒睥，三人尷尬傻笑遮醜。事後問到是否為新一輪寫真作準備，三人解釋：「我哋星期日會幫有線宣傳外購劇《唐宮美人天下》，套劇個女主角係楊冪，佢咁靚，我哋梗係要落力唔好失禮啦！到時我哋會着唐代美人服落旺角遊街；為咗營造爆乳效果，先走去買啲勁啲嘅Push Up Bra。」至於防狼器，她們坦言是為傍身：「驚到時遇到鹹豬手。」