羽翹包場豪請粉絲好友睇戲
靚女歌手兼主持人羽翹，因經常在網上分享扮靚心得，吸納了一批宅男宅女粉絲。最近她工作量大增並吸金有道，荷包進帳便決定回饋支持者，日前自掏腰包請50位粉絲好友睇電影，她說：「因為呢部韓國電影《陽光姊妹淘》同我主持嘅節目同名，而且係一部講友情又勵志嘅電影，所以想同大家分享。」當日她預早到場打點，緋聞男友羅力威卻未見出現，羽翹故作神秘地說︰「每位好朋友都有邀請，當然唔係個個都得閒。」
羽翹一邊派發入場證，一邊與到場的粉絲好友合照留念：「好鍾意熱鬧，平時都好鍾意約一大班朋友一齊玩，但睇戲就好少會約得齊咁多人，所以今次整間戲院都係朋友，個感覺好特別同親切。」
另一方面，羽翹卻嫌今次邀請50位嘉賓未夠喉，希望短期內再包場請埋親朋戚友，逾百人齊齊睇戲或唱K，愈熱鬧愈興奮。
近期豬籠入水的羽翹希望下次能百人大合「唱」。
羽翹邀請約五十位朋友睇戲，並一早到場打點。