「城」功挽救感情 Lynn懶理歌迷唔Like

早前獲郭富城罕有公開護情的熊黛林（Lynn），昨晚與Mandy Lieu、「翻版關之琳」名模Jocelyn及其丈夫Anthony等出席時裝活動。心情大好的Lynn甫到場即被追問是否已跟城城雨過天青？她甜笑地說：「點答呢？冇咁嚴重！總之依家開開心心。（城城同你父母一齊食飯？）食飯啫！（佢撐你但啲Fans唔鍾意？）我都有睇過，咁作為一個女仔都想人哋鍾意自己，我努力解釋過，但始終都係會有人唔鍾意，我亦無能為力！」但感激城城開腔護情，令她十分感動！問到是否守得雲開？Lynn說：「我未嫁o架！對我嚟講世界冇乜改變，大家都覺得（我哋）咁多年，終於都咁（守得雲開）喇！大家都好錫我！」

至於被揭曾拍裸照的Anthony則表示，照片是15年前拍攝，當時十分普通，效果藝術感重，而Jocelyn則笑言不排除將來懷孕時會拍大肚照！

Mandy Lieu密實上陣，不及熊黛林的斜膊裝有睇頭！