陳偉霆行蠱惑床戰詩雅

陳偉霆在新片中扮演蠱惑仔，早前拜見江湖老大取經，並將與詩雅床戰；未知是否因事業而忽略感情，他竟對女友蔡卓妍（阿Sa）的行蹤毫不知情！

陳偉霆（William）、詩雅、溫碧霞、譚耀文及曾國祥等，昨日齊集上環濟公廟，出席英皇電影《紮職》的開鏡拜神。戲中飾演新一代蠱惑仔的William透露被安排出席有背景人士飯局：「餐飯食得好恭敬，不過啲前輩都好友善！」而他的角色會有大紋身，每天須花兩、三小時化妝，他說：「仲要諗辦法遮番我個真嘅！（同阿Sa『愛的印記』？）呢世都唔會再紋！」談到阿Sa即將啟程往昆士蘭拍戲，他竟一臉愕然反問：「做咩事？我真係唔知喎！（感情穩定？）OK，只係想多啲講工作啫！」隨即轉移話題表示母親乃譚耀文粉絲。

而與William扮演情侶的詩雅透露，與對方有點到即止的床戲：「原本睇劇本都幾大膽，但導演知道我嘅問題（曾因拍大膽裸露戲至情緒不穩），最後好體諒咁Cut咗。」

溫碧霞回頭是岸

打扮性感的溫碧霞扮演江湖大家姐，並透露求學時屢次逃學，曾與不良分子為伴，最終因好友食迷幻藥致死，才懂得回頭。至於曾國祥透露弟婦懷B女，令恨女的曾母開心不已，而曾志偉則計劃稍後舉家旅行。