泳漢不屑：唔識祝福佢

曾與思琦住在同一屋簷下的李泳豪母親施明，雖曾與對方互數不是，但仍大方送祝福，但豪仔的哥哥泳漢仍記恨她對家人的傷害，並斷言：「我唔識祝福佢！」

楊思琦與李泳豪拍拖9年，早年更遷入豪仔與母親施明及哥哥泳漢同住的西貢村屋，「家嫂」之位早已坐正。可惜好景不常，思琦去年6月單方面宣布分手，更被揭搭上前香港跳水隊隊員吳帥並珠胎暗結，令雙方陷入互數僵局！

對於思琦在微博報喜，施明昨日在寓所受訪時大方送祝福：「自己都係女人，明白佗仔辛苦。」她認為思琦「回歸」後定必努力事業，亦不介意對方講大話：「唔緊要，依家最緊要母女平安。」但泳漢仍氣憤難平，踢爆豪仔聞訊後心情消沉：「生BB冇錯係開心事，應該祝福，但呢件事係屋企一件唔光榮嘅事，佢傷害過我屋企人，我唔識祝福佢！」對於泳漢曾因踢爆思琦大肚而遭對方指摘，施明認為現在終能還兒子清白，而泳漢則說：「之前有外國朋友質疑我同思琦誰是誰非，但佢終於同我講唔好意思，知道我冇講大話。」

嘆BB冇罪

豪仔昨日表示已Ready迎接新戀情，問到會否擔心弟弟再遇人不淑，泳漢說：「希望佢唔會再受傷害，搵到個真正愛佢嘅女人。（豪仔話會幫思琦？）我唔會囉！」至於有傳吳帥棄養B女，問到會否擔心思琦與豪仔翻撻，二人即時語塞，泳漢說：「假設性問題真係唔識答。」而二人前晚出席活動時，施明表示相信思琦會是個好媽媽，泳漢即不屑地反問：「你祝福佢？總之我唔會祝福，亦唔會詛咒。」

至於曾公開爆粗喪插「前新抱仔」的李家鼎，昨日祝BB快高長大：「始終BB冇罪嘅，思琦又唔係殺父仇人。（覺唔覺佢講大話？）其實我唔愕然，一直有人影到佢大肚，加上佢最初都同我個仔講有咗，講得出就係！」問到會否擔心思琦與兒子翻撻，鼎爺即時「落閘」說：「冇可能！阿仔接受唔到。」更突然轉Channel說：「總之Impossible（不可能）！」