嘉欣法拉送祝福
不認不認還須認，楊思琦昨日在微博公布誕下女兒，不少圈中人送上祝福，包括好友鍾嘉欣、陳敏之、陳法拉和郭晉安等！
鍾嘉欣：「祝思琦健康、BB肥肥白白，恭喜佢！希望佢開開心心咁照顧BB！（有冇見過思琦？）一直冇見過，亦都冇打電話畀佢。（有冇問BB爸爸嘅問題？）朋友想講自然會講，作為朋友會支持佢！（有冇準備禮物？）未諗，等思琦返嚟，搞派對嘅時候再賀，最緊要母女健康。」
陳敏之：「半年前同佢食過飯，嗰陣都唔知佢有咗BB，之後都冇聯絡，佢生得嘅都一定係靚女。」
郭晉安：「之前同佢拍過一部電影，平時冇聯絡。之前嘅事都處理完，依家小生命好需要媽媽嘅照顧，小朋友嘅成長階段過咗就過咗。」
陳法拉：「恭喜佢支持佢，戥佢開心，任何人做媽媽都開心。」
徐淑敏：「我同楊思琦合作過《更上一層樓》，但已經冇乜聯絡，我希望佢快啲搵到個錫佢嘅伴侶。」
黃智賢：「啱啱喺微博睇到，祝佢母女平安，佢決定得嘅一定覺得開心。」
陳法拉（左）和陳敏之坦言沒與思琦聯絡，但戥她開心。
徐淑敏希望思琦找到愛錫她的伴侶。
鍾嘉欣表示等思琦返港搞派對。