曉明蜜會Baby 得個恨字

緋聞男女黃曉明與Angelababy近日同在歐洲工作，曉明表示想去法國走一趟，可惜檔期緊密不許可，更表明結婚也未必公諸於世！

內地型男黃曉明以代言人身份到瑞士，並於當地時間6日參觀天梭錶錶廠。首次到訪當地的他笑言可乘機度假，但只能逗留3日。問到知否Baby身在法國？他說：「我知，我都想去法國，但要趕返內地拍戲，去唔到！（叫佢過嚟陪你？）唔會啦！」提到早前網上瘋傳二人的假結婚證書，他坦言不會生氣：「大家開心就得，我對好多傳聞已習慣！（將來結婚會公開？）唔一定，到時想公開就公開，唔想公開就唔公開！做藝人已經冇私隱，結婚想留番啲私人空間畀自己！」

范冰冰雪白登場

另一邊廂，Baby於巴黎時間6日出席時裝騷，身穿透視裙的她坦言已打底，不擔心走光。對於曉明同樣身在歐洲，她說：「我今次嚟只係為工作，唔會有工作以外嘅活動，完咗我就要返香港工作！」

另外，內地微博女王姚晨出席Chanel時裝騷，並連續兩年親吻設計師Karl Lagerfeld（老佛爺）。而范冰冰則以白色Look出席Louis Vuitton秋冬騷。