吳千語學大笑趕接千嬅棒

楊千嬅去年曾答允與舊愛鄭中基合演黃百鳴新片《男人如衣服》,該片原定本月開拍,但今年初千嬅宣布大肚,之後逐步停工專心養胎,《男》片「被迫」易角修改劇本兼延至下月開拍,並宣布由力捧新人吳千語頂上。

千語演出經驗雖淺,但已獲提名今屆香港電影金像獎角逐新人殊榮,為力谷她成為「千嬅二號」,演戲更入型入格,電影公司除了要她狂煲千嬅舊戲外,又着她每日對鏡練習豪邁笑聲。除了有新面孔,《男》片為雙重保險,亦重金邀得好戲之人毛舜筠壓場,與千語一同孭飛演出。

談到因千嬅大肚打亂新片計劃,黃百鳴並不介意,還大方地說:「大肚係好事嚟!」由於陳慧琳當日也是答允演出《八星抱喜》後才得知「有喜」,難怪黃百鳴不忘發揮幽默本色笑說:「邊個女星想生BB,就嚟拍我啲戲啦!」

吳千語青春可人,出道短短日子已夥拍多位紅星演出,吸收經驗。

毛舜筠

大肚千嬅待產期間,只間中出席活動。