莊思敏準備「補飛」
對於GaGa加開第4場，名模莊思敏說：「都會試吓買飛，聽聞今次冇留飛同內部認購。」她指早前曾有人以一萬八千蚊向她兜售黃牛飛，她說：「希望炒黃牛飛嘅人蝕錢！」至於手持40張飛的王賢誌，被問到如今再加場會否覺得唔抵，他說？「點會呀？都係自己睇！好多朋友都買唔到飛，愈多飛愈好喇！（會唔會買加場門票？）未知o架！睇咗第一場先喇！可能再加呢！」而陳奕迅夫婦及張敬軒同樣是「有飛之人」！另外，黃德斌女友則捲入涉炒黃牛飛風波，對此，黃德斌否認：「佢冇炒黃牛，只係將啲飛讓畀朋友啫！」
莊思敏表示會嘗試買加場的飛。
已訂了飛的陳奕迅夫婦未知會否再撲飛？
有幾十張飛揸手的賢誌，沒有覺得唔抵！