模特兒傅嘉莉（Kelly）接台灣歌手林宥嘉棒，拍攝內地蛋糕品牌平面及電視廣告，她說：「我好欣賞林宥嘉，可以接佢棒好榮幸。（你取代佢？）唔係，廣告商上年用咗男仔，今年想用女仔。」Kelly在鏡頭內外都大吃蛋糕：「雖然導演叫我唔使真食，但我好鍾意食蛋糕，所以拍攝時我照食，冇吐出嚟，我一日三餐都係食蛋糕，拍咗兩日就食咗兩打蛋糕，嚇親工作人員，廣告商仲送咗幾箱蛋糕畀我返香港添！」
Kelly拍廣告時假戲真做，狂食蛋糕。
