甄子丹捱眼瞓 度招肉搏安志杰
甄子丹與導演霍耀良昨日相約安志杰見面，為電影《特殊身份》換角作善後工作。對於劇組前日發出聲明，甄子丹坦言上網才看到：「都覺得幾突然，我希望件事真係可以告一段落，如果再糾纏落去，雙方都可能會講多咗，造成彼此傷害。見到依家咁嘅局面、同趙文卓合作唔成，我都感到失望，希望以後同趙文卓再有機會合作。」
子丹發言人張小姐表示子丹連續幾日不眠不休與劇組開會：「佢每日瞓得兩個鐘，為安志杰度身訂造角色同埋設計動作場面，子丹構思同安志杰會有一場連續對打戲，長達十分鐘。子丹話希望傾盡全力，將安志杰嘅武打潛能發揮出嚟。」
