Kelly踩踭湊仔 千嬅犯禁歎啡

兩位大肚天后楊千嬅和陳慧琳（Kelly）臨盆在即，卻繼續做危險動作！已懷六個月身孕的千嬅無法忍口，照歎「假」咖啡落肚；下月分娩的Kelly則着一吋高踭鞋湊蝦餃仔放學！

龍年喜事一浪接一浪，兩位樂壇天后千嬅與Kelly預產期漸近，雖然心情同樣緊張，但向來為食的千嬅明顯比Kelly難忍口，繼被踢爆偷食薯條後，懷孕六個月的她又被揭飲不含咖啡因的「假」咖啡，肯定令老公丁子高擔心不已！

畀教練係咁鬧

千嬅向來無咖啡不歡，大肚前雖有中醫建議她戒咖啡及凍飲，懷孕後的她惟有不情願地謝絕咖啡，可惜心癮難忍，千嬅日前便偷飲兩啖不含咖啡因的咖啡，事後向拉筋教練自首，被罵個狗血淋頭。

對於偷飲咖啡一事，千嬅在電話受訪時說：「我諗冇咖啡因會冇事啩，點知都畀教練係咁鬧！佢話呢啲咖啡有更多化學成分，反而更加有害！」不過，千嬅表示已戒掉最喜愛的海鮮，又一改狼吞虎嚥的習慣：「唔想快食傷到個胃，依家阿媽都有陪我做拉筋，有時悶悶哋就焗蛋糕打發時間！（照咗4D？）依家照3D咋！等八、九個月先照都未遲！」據知，千嬅有機會在本月21、22日出席公開活動，但她卻表示要視乎身體狀況而定。

千嬅難戒口，反觀Kelly卻注重均衡飲食，對腹中的「小龍包」更為着緊，但做另一樣危險動作！Kelly昨日接老公劉建浩更，負責湊「蝦餃仔」劉昇放學。昨午12時，腹大便便的Kelly偕鍾珍及工人現身幼稚園，步出時由工人全程抱住囝囝，她則負責拎書包。Kelly雖肚大如籮，但依然貪靚，照樣穿上一吋高踭鞋，睇見都牙煙！她甫見記者即主動打招呼，臨入（車立）前更捉住兒子的小手教他講拜拜。

擇定吉日開刀

據知，Kelly已擇定時辰吉日下月開刀分娩，她接受電話訪問時說：「依家重咗20磅，已多食魚同高鈣食物，老公仲整三文治畀我添！剛剛照完4D，小龍包超似阿哥，同樣有個蝦餃下巴，依家已執好BB房，同劉昇一人一間！」為怕蝦餃仔呷醋，Kelly會盡量湊仔返、放學，但兒子近日感染流感，她在家時還會戴口罩。