林峯變咗林海峰

林峯、徐子珊及歐陽靖（MC Jin）昨日在街頭拍劇，林峯拍攝槍戰場面時遭街坊誤認是DJ林海峰，阿峯表示不介意，更大爆子珊亦經常被誤認是「千億新抱」徐子淇。

苗僑偉、林峯、徐子珊及MC Jin等昨日在佐敦拍無綫新劇《雷霆掃毒》槍戰場面，引來逾百人圍觀，期間阿峯以車門擋子彈，但蹲低後久久未有站起，原來他不慎把槍柄的彈匣弄跌，場面搞笑。阿峯小休時，大批街坊要求拍照，一名伯伯竟向阿峯說：「咦！你咪林海峰！」阿峯聞言後傻笑。問到有否尷尬？他笑說：「點會？好小事啫！子珊都成日畀人叫徐子淇啦！」

至於子珊則與MC Jin在街頭拍攝私運Bra及底褲場面，劇情講述他們走私被捕而逃走，混亂中將數十個Bra及底褲散滿地上，他倆狼狽地執Bra。子珊與MC Jin更於拍攝前貪玩，蹲在地上拿起Bra及底褲條條Fing拍照。

唔使遮上圍

事後子珊坦言甚少在港買Bra：「多數都係去外國出Trip時買。（Size啱咩？）買啲細啲囉！可以改嘅！咩Size都有。（怕人哋知你Size尷尬？）又唔係，選美嗰時都度過，全世界都知，唔使遮！（角色後期變毒后？）監製特別為我拍一場啪針戲，放喺即將舉行嘅影視娛樂博覽度用，條片都幾真，我之前睇咗張靜初嘅《門徒》參考。」