張智霖旺角拖女被圍
劉心悠與張智霖（Chilam）前晚踩入旺角行人專區拍攝新片《天生愛情狂》一場拍拖戲重遇「前女友」苟芸慧的戲份。時值周末晚上，吸引數百人圍觀兼不停拍照，劇組遂用黑布隔開未埋位的演員，讓他們休息。心悠笑言未遇過如此「大場面」，全程興奮，相反抱恙的苟芸慧開工前後又屙又嘔，難怪木無表情。
Chilam自爆平日也是旺角「蒲精」﹕「途人見到我最多都係要求合照同簽名，呢個圈冇人紅過周潤發，佢都會搭巴士，所以唔好當自己有幾特別。」問到拍拖時可曾遇舊愛，他大方地說：「我舊愛唔多，個個做得番朋友。（唔怕老婆呷醋？）佢鼓勵我廣結良緣。」
戴上啤酒杯頭套的張智霖，與劉心悠「拍拖」時巧遇「前度」苟芸慧。
苟芸慧