霆鋒度假 豪派現金萬萬聲

謝霆鋒宴請製作公司同事及家人「包島」旅行，期間更化身財神大玩遊戲豪派現金獎；而父親謝賢（四哥）於離港期間突被傳患重病「贈興」，認真大吉利是！昨午眾人返港，四哥親身闢謠。

霆鋒與父親四哥、母親狄波拉及其夫鬍鬚Kong、妹妹謝婷婷及男友安志杰等，昨午結束馬來西亞之旅返港，一行人步出機場時，心情不俗企定定讓接機的傳媒拍下「全家福」。

競飲賽大獎五萬

據知，旅行期間霆鋒出手相當闊綽，不單安排十多分鐘的煙花表演助興，晚宴時與同事玩遊戲更變身財神派錢，例如鬥快飲啤酒贏五萬大元的遊戲，而一萬元的「細獎」亦送出多份，令全場起哄。

談到是次度假，霆鋒坦言已近十年沒有陪伴家人旅行，故今次相當有意義！「美中不足」是四哥被傳患病：「啲同事畀咗本雜誌我，但唔想掃興，所以最終都冇揭到。」由於此行要專注照顧雙親，故未有帶一對兒子Lucas及Quintus同行，霆鋒說：「飛咗冇打過電話畀佢哋，但有短訊聯絡，等遲啲先帶埋佢哋啦！（幾時復工？）我每日都有剪片嘅。」據悉，霆鋒月中會北上商演，原定五月接拍郭子健以消防員為題材的新片，由於準備工夫需時，或會押後至八月才開鏡。

否認與栢芝復合

而早已考獲潛水牌的四哥，據知度假期間不時落水顯身手，變相令日前的「重病」謠言不攻自破！他昨日有型現身機場，回應病重傳聞時仍忍不住發晦氣說：「唔緊要，我都就嚟死喇！」之後向霆鋒示意打算跟拉姑同車出市區，霆鋒即開玩笑拋出一句：「唔驚話你復合呀？夠話我（復合）啦！我夠唔係咯！」