王璐瑤30日「環遊」中台
據龍年運程顯示，肖兔與肖馬者宜出門，但肖蛇的女星王璐瑤（LuLu）指龍年至今只一個多月，已到過台灣、無錫與上海旅遊，更計劃月內遊三亞，令人羨慕！她笑說：「咁我不嬲都驛馬星動嘛！上次去完世博，覺得上海又靚又好玩，咪再去囉！今次去咗阿山飯店，仲同廚師阿山合照，之後去咗Clubing（夜蒲）。上海人都幾斯文，唔似香港三唔識七就攬腰咁狼。（有艷遇？）我喺間西餐廳識咗個香港男廚師，佢知我個幾月內去咗台灣、無錫、上海玩，仲問我『乜你唔使返工o架？』。（下一站去上海見佢？）唔啦！了解吓先，況且我計劃緊下個月去三亞。」
旅行除了讓LuLu認識到不同地方男士的夜蒲風度外，更讓她反思歷史，她說：「吃喝玩樂喺香港都得，唔使山長水遠搭飛機，所以之前我特登去台灣參觀國軍紀念館，睇到日軍屠殺中國人，好感觸！好想多啲了解歷史，我仲想去以色列哭牆，希望有新得着。」
LuLu龍年伊始，已遊歷台灣、無錫與上海，下一站是三亞，過着旅行家般的悠遊生活。