鍾浠文愛「票」亮

童心未泯的模特兒鍾浠文，家中收藏逾百張卡通人物造型港鐵車票！為尋覓心頭好，即使要捐窿捐罅、花費不少，她亦揚言在所不計。

有「翻版徐子淇」之稱的模特兒鍾浠文（Zelia），自言是宅女一名，從小已沉迷於卡通動漫。別以為她一定滿屋毛公仔或漫畫，Zelia原來更喜歡收藏印有卡通人物的港鐵車票！

剛來港發展時，Zelia對港鐵推出造型如此可愛的車票，驚嘆不已，她笑說：「我第一套買嘅就係呢套IQ博士嘅車飛！我由細到大都好鍾意小雲，所以一見到就即刻買，自此就買上癮！」為尋回「那些年」錯過的車票，她不惜走訪各大小車票收藏店或於網上拍賣尋寶。

至今收藏逾百張車票的Zelia坦言，花費了不少金錢於購買舊車票上，但她對此興趣仍樂此不疲：「我試過用四百幾蚊買番套Snoopy車飛，雖然好似好貴咁，但千金難買心頭好，開心就得！有陣時都會喺網上拍賣度搵到平飛，Bid到真係好似執到寶咁！」她笑言港鐵定期有積分獎勵計劃，儲夠一定分數便能換到卡通車票。為了達標，她即使知道要花較長時間，仍會特別提早出門，選擇乘坐港鐵。

至愛Kitty貓

問到珍藏中誰是心中最愛？Zelia即滿心歡喜地拿起一套Hello Kitty車票，還沾沾自喜地說：「呢一Set係我朋友送畀我嘅生日禮物嚟o架！佢知我好鍾意Kitty，特登買嚟送畀我！真係好啱我心意！」她笑言收到港鐵車票比收到毛公仔開心得多，不但易於收藏，更具升值潛力！