郭晉安昨日接受查小欣訪問，大讚合作《東西宮略》的陳法拉工作態度認真又萬能：「佢撻胎痣係自己化嘅，連我嘅瘀傷妝都係佢幫我化，因為佢想慳番啲時間嚟對稿。」他表示拍劇時不察覺法拉有面癱徵狀，只嫌她激瘦：「排戲時佢突然甩咗條裙，佢話條腰由24變咗21吋，明白佢工作壓力大，又唔夠休息。」
談到與陳敏之有多場親熱戲，安仔笑言有苦自己知：「拍時唔可以全程真係瞓喺對手身上，要成日用力撐起自己。」
郭晉安（右）於新劇演出精靈，望憑「齊宣王」一角再問鼎視帝。
