楊秀惠失戀暴瘦

陳豪、楊秀惠及關禮傑等昨日在將軍澳電視城為新劇《金枝慾孽2》拍攝片頭，陳豪與關禮傑作京劇打扮，前者玩「假腳」，後者反串花旦造型曝光！

劇中飾演關禮傑老婆的楊秀惠，自爆與拍拖兩年的金融才俊Ray，因性格不合已分手，體重由53kg跌至48kg的她笑說：「因為冇人同我食飯，冇人錫所以瘦！」及後才解釋因腸胃炎不停嘔吐才暴瘦，又自嘲冇身材：「依家乜都冇，啲男人見到我都掉頭走。歡迎各界人士請我食飯，但唔係講嗰啲飯局。」她又表示近日忙拍劇，暫沒有時間與Ray聯絡，但再見亦是朋友。

堂堂大男人的關禮傑反串扮花旦，驚艷登場！

楊秀惠自爆與金融才俊男友已分手。

京劇造型的陳豪將腳踢上頭？原來是道具「第三腳」。