湯盈盈造人仔不如搵人仔

姊妹團當中，被封「好癲好辣」的湯盈盈，被問到會否效法文頌嫻「嫁人、造人」一次過，她不置可否：「世事難講，唔知喎！但都戥文女開心。（同錢嘉樂已經不設防造人仔？）造咩人仔？搵人仔（人民幣）好過！唔知呀！你哋咁問，好大壓力。（你哋之前去新加坡預支蜜月？）佢去做嘢，我黐埋去，返嚟一直被問婚期，十畫未有一撇。你哋畀壓力，佢至話係後年，叫佢求婚先啦，都未求過。（文女話你嫁時，佢會踩場『報仇』？）我結婚時會細搞。」而大肚新娘文女則推測盈盈婚期：「應該唔會太遲，我生完BB，差唔多到佢嫁。」

湯盈盈揚言自己出嫁時只會「細搞」。

下月擺婚宴的姚樂怡（右），戥好姊妹文頌嫻開心。