35歲文頌嫻奉子成婚
35歲藝員文頌嫻昨日與同齡圈外生意人李梓慎拉埋天窗，圓潤不少的文女興奮自動玩「申報」，宣布造人成功，又笑言因趕時間，故嫁人與造人同步進行。
文頌嫻昨日出嫁，於四季酒店筵開28席，圈中好姊妹佘詩曼、湯盈盈、周家蔚、姚樂怡、鍾麗淇及關寶慧等組成九人姊妹團。阿佘識做地婉拒訪問，免得回應舊愛鄭嘉穎的新緋聞而搶了新娘焦點。嫁杏有期的周家蔚與未婚夫洪天明滿場飛，乘機為自己的婚禮取經。到賀賓客則有曾志偉、林文龍與郭可盈、陳煒、張文慈、盧惠光及星皓老闆王海峰等。
新娘子文頌嫻與老公李梓慎切蛋糕時甜蜜錫錫，腳踏五吋高跟鞋的她獲老公全程傍實，她說：「今日好開心可以講，我造人成功喇！你哋唔覺我成日用花球遮肚咩？之前怕小器，依家過咗三個月。係我自己趕時間，所以結婚造人同步，老公想生夠四、五個，我就一仔一女就夠。」她又笑言早在拍拖時，老公已有「造人」計劃：「佢問我鍾唔鍾意小朋友，我諗答唔鍾意嘅話，或者已經畀人飛咗！」新郎哥李梓慎即說：「起碼生兩個，其他再講！我會錫佢多啲！」
停工待產 短遊蜜月
問到婚禮使費，文女說：「七位數。（婚戒？）講幾卡好市儈！大過一、細過二。」為了迎接新生命，她表示已處於停工狀態：「依家就係食同瞓，怕身體負荷唔到，所以蜜月只會去東南亞。班姊妹諗咗遊戲玩，我叫啲兄弟11點前唔好畀我老公飲醉，但湯盈盈最叻隊人。」新郎即插嘴笑說：「老婆班姊妹真係唔係人咁品，尤其湯盈盈好癲好辣！」
本身屬細細粒身形的文頌嫻，自爆造人成功，腹部微隆。
文頌嫻與夫婿李梓慎即場咀嘴，並與腹中BB來個「一家三口」合照。
文頌嫻肥嘟嘟的手指上，戴上逾一卡的婚戒。
姊妹團大部分為圈中人，位位同樣嬌俏。
佘詩曼再次戥人高興見證好友出閣。
郭可盈與林文龍拖手到賀，大晒恩愛。
同樣即將結婚的洪天明與周家蔚「孖人」出動，甜到漏。
陳煒與曾志偉赴喜宴賀文頌嫻。
