趙文卓被逐離酒店

甄子丹與趙文卓主演的電影《特殊身份》,因趙文卓與劇組發生改劇本、罷拍的問題,劇組前晚決定換角,並發出公開聲明終止雙方合作關係!趙文卓則在微博公開一條劇組傳給其經理人的電郵,劇組以電影嚴重超支為由指不能再為趙文卓提供酒店住房,而趙文卓太太張丹露得知老公被趕,即留言力撐:「請找出真正超支原因。」趙文卓回覆:「善有善緣,孽有孽緣!」

身兼監製、演員的甄子丹說:「我個人意願係好想同趙文卓合作,所以當我喺上月24日從製片口中知道趙文卓唔接通告,即聯同趙文卓經理人張家振,一齊嘗試去勸服趙文卓,但可惜調解失敗,我認為趙文卓喺處理上亦有唔完善嘅地方。(點睇趙文卓被趕離酒店?)作為監製,我係監製電影,人事同合約上嘅事唔係我管轄範圍,趙文卓嘅事點樣處理,係劇組同事負責,我唔知情。(點解劇本有改動?)劇本係個框架,改版係拍電影經常發生嘅事,只要係為部戲好,我覺得不至於無商量餘地。」據知劇組約損失六、七百萬元,頂替人選以安志杰呼聲最高,而趙文卓到截稿前未有回覆。

甄子丹(右)曾嘗試勸趙文卓,可惜事與願違。(資料圖片)