張智成愛蒲做冇腳雀仔

馬來西亞歌手張智成與歌手表妹梁靜茹無所不談，即使是感情生活，私下亦會盡情分享。現在單身的智成原來也有「拍散拖」，更自爆有「出嚟玩」，暫時未打算結婚。

跟已婚表妹梁靜茹（Fish）感情要好的張智成，經常約Fish飯敍、傾心事，除了互相給予音樂上的建議，很多時會談到感情話題，他說：「我同佢無所不談，出到嚟一定傾心事，如果我要打電話傾公事，佢會嬲、會話『咁難得出嚟，你竟然傾電話？』」他表示與Fish一樣，每當高興就會找對方：「佢好鍾意齊豫，Fish去睇佢演唱會，會打電話話我知；我去美國睇大型頒獎禮，又會打畀佢話佢知，佢會好嬲咁問我做咩唔叫埋佢去！」

提到與Fish經常談及的感情生活，智成說：「我依家冇固定對象，拍吓散拖、曖昧都有，其實我以前咩都經歷過，『出嚟玩』都有！依家追求嘅唔同咗，好驚結婚，因為我係一個好冇安全感嘅人！」他更自爆曾與一名年紀相差10年的女生拍拖，可惜因他太照顧對方，令關係變質而不夠一年便分手。

唱好哥哥梅姐

將於今年舉行巡迴音樂會的智成表示，會獻唱不少欣賞的歌手歌曲：「我由細聽廣東歌聽到大，張國榮（哥哥）、梅艷芳、陳百強我都好欣賞，所以我希望唱佢哋嘅歌。」而Fish亦很大機會任其音樂會嘉賓。