周子揚入TVB想搞Gag

歌手周子揚（Hinson）早前簽約無綫，問到是否已經適應？他說：「當初加入TVB，有粉絲反應都幾激，問我係咪唔再唱歌，我話會繼續唱歌，加入TVB主要係有助『入屋』。」問到與以往在唱片公司有何分別？Hinson說：「以前乜都係唱片公司安排好，依家就入咗大家庭，學習機會更加多。」問到「恨」演甚麼角色？Hinson表示若要「入屋」，一開始希望演斯文正氣角色，不過其實他最愛演喜劇：「外界覺得我好斯文，其實我搞爛Gag都OK。」

至於模特兒緋聞女友徐靖雯是否支持他入TVB？他說：「佢好支持。（會減少見面？）會呀！各有各忙。」而曾是「四大」歌手的Hinson表示，期待與方大同及薛凱琪在無綫重遇。

Hinson加盟無綫後，務求歌影視三線齊飛。