法拉崩潰邊緣死頂拍劇

忙於為處女大碟錄音的陳法拉,早前面部麻痹,拍畢劇集《東西宮略》後便請假休息。日前受訪時,她透露男友曾赴美陪伴,但沒有阻止她繼續工作,反而與她傾偈,給予不少寶貴意見,那份關懷與體貼令她很感動。談及在新劇一人分飾三角,法拉坦言壓力很大:「嗰陣精神崩潰,好唔舒服,但同劇演員好照顧我,佢哋知我情緒唔得,會同我傾偈。本來拍完呢套劇就要拍《名媛望族》,但真係拍唔到!」

對於不少無綫藝人到內地拍劇搵真銀,法拉坦言很期待其處女內地劇,並笑說:「有好多人搵我,但我會小心選擇,依家喺無綫都好好,外地登台同剪綵都接到手軟。」

趁假期養好身子的法拉,現正忙於為處女大碟錄音。