Amanda S.按走疲勞

榮升甜品店老闆娘的名模Amanda S.,公餘時間最愛到足部反射療法及按摩店「ten feet tall」按摩,消除一天的疲勞。由品質管理到售貨見客,Amanda都親力親為,整天站立逾7小時亦不足為奇,實在有苦自己知,她無奈地說:「每晚對腳都腫晒,真係想即刻做腳部按摩,等血液循環兼鬆番啲筋骨!」

此店令Amanda流連忘返,不單歸功於按摩師的手勢,更因為店舖的氣氛及情調都很舒適,她說:「呢度嘅裝修好時尚,以白色為主,令人覺得好乾淨。佢仲顧及到我哋嘅嗅覺,一入到間舖就有陣陣香薰味,而且啲梳化又軟又舒服,真係按按吓都會瞓着。」

Amanda對店中的情侶護理室讚不絕口,笑言一定要拉埋老公跟她好好享受一下,她笑說:「房入面有電視機,可以等有波睇嗰陣叫佢嚟,咁就可以一邊睇波一邊按摩,而我可以陪吓佢,睇吓雜誌或瞓覺。」若獨自前來按摩,她會選擇女士專用護理室:「就算着住裙嚟,都唔使擔心走光,可以更加放鬆。」

開設甜品店的Amanda,因經常站立致腳腫,放工後最愛到ten feet tall充電。