梁漢文昨日化身「青頭仔」出席adidas活動時笑說：「扮吓青頭仔，想搵番青頭仔感覺。」他解釋只是為配合巡迴演唱會造型。對於有傳與金牌大風提前解約，他說：「唔係，只係轉合作方式。（咩方式？）續約時講過出國語碟，但暫時仲未有計劃，依家有內地公司有興趣幫我出，當年同我傾嗰個同事走咗，我可以怪誰？（公司冇誠信？）唔可以咁講，合約仲未完，但喺呢間公司只有等。（等合約完？）合約總會完，但要等得有意義，起碼畀到方向我，等到頭都青埋！」
梁漢文換上「青頭仔」造型出席活動。
