徐濠縈巴黎入貨囡囡詐型
徐濠縈與生意夥伴Dorothy於巴黎時間上月29日現身Rue du Mail時裝騷。阿徐表示剛到巴黎已立刻工作，將逗留當地十天睇騷和物色品牌，問到是否想做女強人？她說：「係！」並透露將於今年在尖沙咀開第三間分店：「應該五、六月，到巴黎會入多啲新牌子，而第三間分店主要賣Young啲嘅嘢，仲會有新進設計師，又會同何志恩Crossover。（掛住囡囡？）我一離開佢就好失落。（買禮物補償？）佢話乜都唔要，淨係要媽咪。」阿徐本月七日生日，囡囡不能與她慶祝已詐型，談及Eason會否像去年般飛往巴黎給她驚喜？她說：「唔會啦！（可能帶埋個女？）佢知道個女係我No. 1，我最想見個女，但佢帶唔到，我好清楚，佢要讀書，如果佢讀幼稚園就冇所謂。」
徐濠縈（右）與生意夥伴Dorothy到巴黎睇騷兼入貨。攝：黃叔榮巴黎傳真