小齊險遭「降傘」插中賴GaGa
任賢齊（小齊）與李治廷前晚出席首映活動，合照時，突然有把雨傘從樓上打斜插落台。事後小齊笑說：「係咪因為買唔到Lady GaGa啲飛呀？」他表示在戲中要拉大提琴，拍攝時與帶備千萬元樂器的上海交響樂團合作：「佢哋係老師級，拉時我都心虛，有次拍到落雨，我哋把遮唔係遮人，係攞嚟遮佢哋啲琴。」席上，眾人還為日前生日的李治廷切蛋糕慶祝。
此外，組合達明一派昨日接受訪問，提到演唱會將加場，黃耀明笑言皆因撞正Lady GaGa搶飛潮而影響歌迷買飛：「原本早一日就可以加，我哋嗰啲唔使炒。」
天降飛傘，跌到遮柄都甩埋，小齊望住地下嚇到呆！
任賢齊
李治廷切蛋糕補祝生日。
達明一派加場遇着GaGa搶飛潮。