祖兒爆笑老屈 基仔捐5萬抽獎
前晚英皇春茗最熱鬧的環節是壓軸大抽獎，老闆楊受成及成龍帶頭各捐10萬元「暖場」，其後容祖兒及蔡卓妍（阿Sa）亦各捐1萬元，並雙雙擺古巨基上枱，指他是英皇一哥，應捐5萬元，更抵死加句：「係咪要問過Lorraine（基仔緋聞女友）？」基仔即向阿Sa反擊：「咁你係咪要問William（陳偉霆）？」經理人霍汶希衝上台幫基仔口：「係唔捐，捐1萬啦！」祖兒即取笑她並非Lorraine，不能代基仔出頭，反而基仔十分疏爽，笑說：「好嘈呀！好怕女人嘈，女人嘈我就亂，捐5萬啦！」至於謝霆鋒與林峯於抽獎前已離開，荷包逃過一劫。此外，最近傳與霆鋒復合的張栢芝，在內地錄影綜藝節目時被封「第一辣媽」，更即場抱起男藝人。
祖兒（中）與阿Sa落足嘴頭，基仔乖乖奉上5萬元作現金抽獎。
霆鋒（左）與老闆楊受成碰杯，非常識做。
「力神」栢芝輕易抱起男藝人。
英皇春茗星光熠熠，老闆楊受成帶領旗下歌手祖兒、基仔及霆鋒等大合照，險逼爆舞台！
基仔一度移「玉步」與緋聞女友Lorraine同枱，並黐到實吹水 。