霆鋒自爆訪栢芝新居

鄭嘉穎與羅力威加盟英皇旗下，同門師兄師姐如容祖兒等大表支持，蔡卓妍（阿Sa）更指羅力威非池中物。謝霆鋒則大爆張栢芝新居入伙，自己已率先登門造訪。

英皇集團昨晚在會展筵開70席舉行春茗，旗下藝人謝霆鋒、容祖兒、Twins、古巨基、關智斌及鄭希怡等出席。席間鄭嘉穎及羅力威即場動筆簽約，令英皇更見人才濟濟！

由得林峯爭寵

記者打趣問祖兒日後會支持無綫愛將林峯還是嘉穎？她搞笑地說：「嘩！手背係肉，手掌又係肉，雖然識咗林峯好耐，但我03年已經同嘉穎合作拍《美麗在望》！（一山不能藏二虎？）有競爭先有進步，由得佢哋慢慢爭啦！」問到有傳無綫重申政策，要求簽歌手約才可亮相節目？祖兒說：「劇情又有變？如果要簽先上得節目都幾得意，我諗唔使簽係大家嘅新年願望嚟嘅，身為歌手梗係想有唔同嘅渠道宣傳啦！」她又謂已準備了數萬元作春茗抽獎之用，又打趣老闆楊受成坐擁千億身家，自己不會搶風頭。

阿Sa讚羅力威

對於有新人加入，阿Sa大表支持，還透露以往有收藏嘉穎的唱片，並興奮地大談羅力威：「佢唱得好好！而且發展空間好大，成就應該不止於此！」至於最近埋首鑽研廚藝的霆鋒笑指5、6年未放過這麼長的假期，日內自掏腰包請同事出發到馬來西亞旅行，一對囝囝會交由栢芝照顧。問到栢芝是否新居入伙？他點頭並承認已造訪。問到是否有意舉行演唱會？他說：「諗緊囉，想喺戶外搞，可以容納入場人數兩萬幾，一切交由公司去搞。」此外，昨晚星光熠熠，成龍、霆鋒、祖兒、阿Sa，以及保利博納及華誼兄弟高層于冬和王中軍被安排坐主家席。開席前楊受成夫婦及吳雨被邀上台點睛，場面相當熱鬧。