Niki嗒糖呂慧儀老公
演員周麗淇（Niki）、呂慧儀、黃智雯、王君馨和朱慧敏等，前晚到大牌檔為劇集《女警愛作戰》舉行煞科宴，由Niki埋單。呂慧儀帶老公黃文迪到場，原來是為了Niki，她笑說：「Niki睇中我老公，話佢靚仔、好鍾意佢、又同佢示愛，所以特登帶埋佢嚟，佢仲叫我老公介紹啲兄弟畀佢識。」她坦言拍完新劇會努力「造人」，還會向徐淑敏請教生仔經，若是生仔，希望與徐淑敏對親家。被踢爆冧呂慧儀老公的Niki笑說：「其實我係聽呂慧儀叫『老公、老公』咁叫埋一份啫！我同佢老公做Model已經識，大家好熟啦！（要黃文迪介紹男仔？）冇所謂，依家單身，好Open嘅。不過唔好話係剩女，只係暫時未有着落啫！會去歐遊兩個星期，睇吓有冇艷遇先。」
呂慧儀（右）特地帶老公黃文迪見Niki。