詩雅Bling Bling 媲美鑽石

英皇藝人詩雅家中收藏近百件Bling Bling首飾，雖然珍貴度難與天然鑽石相比，但曾攻讀鑽石鑑證的她，以專業角度說：「依家嘅人造石像真度好高，有時真係可以假亂真，如果唔係咁多錢，人造石首飾絕對係價廉物美嘅選擇。」

外形嬌滴滴的詩雅（Michelle）最愛扮靚，其睡房除塞滿靚衫及化妝品外，自四年前開始，瘋狂地愛上Bling Bling及古董款式的飾物。日前Michelle展示了家中部分珍藏品，包括紫石Clutch、不同顏色的碎鑽手鈪、閃石、混珠頸鏈、花花頭飾及最近至流行的閃石、珍珠假領等，一共多達20多件，她說：「呢啲只係我收藏品嘅1/5咋！我屋企仲有好多。」

碎石Clutch夠Grand

談及其Bling Bling飾物，Michelle如數家珍地說：「我最鍾意呢個紫石Clutch，因為鑲晒幾千粒碎石，所以好閃！最靚係佢個扣係我最Like嘅骷髏頭，有別於只得2粒大石嘅拍扣設計，我覺得呢款手袋既高貴又夠型，可以襯晚裝或Casual啲嘅衫。」其好友曾以高價要求她割愛，雖然價錢相當吸引，但最終遭Michelle婉拒了，她說：「千金難買心頭好呀！我怕賣咗呢個Clutch會後悔。」

Michelle另一樣「賣飛佛」則是最近流行的假領飾物，她稱市面上的假領多數是布、喱士及毛冷製成，感覺較少女，但她這條假領就釘滿白色及灰色珍珠，加上手工細緻，令本是平平無奇的假領頓變得貴氣及獨一無二。Michelle又覺得珍珠假領極易襯衫：「我簡直對呢條假領一見鍾情，我朋友話賣成千幾二千太貴，但我就覺得物有所值，因為啲珠珠全部人手逐粒縫上去，係貴得有道理。」

曾修讀鑽石鑑證課程的Michelle，指現時科技發達，高質素的人造石已可媲美天然真鑽石。她指行內人分辨真、假鑽石，會依據4C原則，即是鑽石的顏色、瑕疵、重量及切工等因素。但門外漢沒有這類知識，因此如非富有人家，但又愛閃石，Michelle覺得人造石絕對是最佳的代替品。雖然有人會怕被笑「戴假嘢」而不考慮人造石，但她反覺得現時「Bling物當道」，不戴人造石首飾才是Out。

包保鮮袋免封塵

問到對選擇人造石飾物有何心得？Michelle覺得人造石頸鏈、手鈪及戒指不妨揀誇張款式：「既然係假，咁大大粒石先夠搶眼。顏色方面，可以揀特別啲嘅顏色，好似紫色、藍色、粉紅色咁，唔使一定係白色，但當然白色嘅閃石最百搭。」談及保養人造石的貼士，Michelle分享其經驗之談：「最好逐件用獨立保鮮袋包好，唔好畀佢封塵，市面上有啲專For人造石嘅清潔劑，價值好平o架咋！首飾用清潔劑抹過後，就好似新嘅一樣咁靚，同埋最緊要係唔好成日暴曬喺陽光下，否則啲首飾好易變舊。」

送禮佳品

詩雅愛Bling Bling如狂，其實圈中不乏同道中人，好像早前趙薇在微博中上載跟好姊妹王菲騷閃石電話殼的合照，王菲的手機殼是卡通人物加菲貓，趙薇的圖案則是史諾比。

至於熱戀中的蔡卓妍（阿Sa）及陳偉霆（William）亦是Bling Bling迷，阿Sa曾在日本買了黐滿閃石的倒後鏡給William作情人節禮物。William前緋聞女友Angelababy在20歲生日會上，就收到偶像張栢芝親手做的閃石計數機。

而前歌手陳文媛將嗜好變成職業，投資水晶專門店生意，並開班教人黐閃石。