江若琳踏入MK靠阿澤護航

江若琳與杜汶澤昨日到旺角宣傳新戲，吸引不少途人圍觀。下月將有3齣電影上映的阿澤賺到笑，笑言要派暖包回饋市民，而露出小蠻腰的江若琳表示不怕被抽水：「有阿澤唔怕啦！」

為宣傳新戲《高舉．愛》，江若琳（Elanne）與杜汶澤昨日一同到旺角街頭派暖包，吸引不少途人圍觀拍照，近期拍了不少電影的阿澤表示，3齣於下月上映的電影會輪流出街，不會「自己打自己」。問到荷包有否暴脹？他笑說：「所以派暖包回饋市民囉！」他倆年前曾一同到旺角宣傳電影，問到會否怕人多被抽水？Elanne即望着阿澤笑說：「有佢喺度唔怕啦！加上有咁多保安。」

死前要睇麥當娜

對於新片海報被網民惡搞為「唐英年事件」的多個版本，阿澤笑說：「其實套戲依家票房咁好都係多得佢，佢搞到民怨沸騰，唔想喺屋企睇新聞，所以入戲院睇喜劇！」

另外，外國流行天后Lady GaGa將於五月來港舉行個唱成為城中熱話，阿澤表示未有為之動容：「本人寧願睇麥當娜多啲，希望死之前可以睇一次佢嘅演唱會！」又笑言很多朋友問他索票，令他無奈。而未買到飛的Elanne則表示希望能前往欣賞。問到會否買黃牛飛？她說：「唔會，希望以合理價錢去睇！」對於門票炒至3萬元，阿澤笑說：「用三萬蚊買我哋套戲飛應該買到好多張！」