阿B59歲至Wild壽宴

人緣甚佳的鍾鎮濤（阿B）前晚59歲生日，女友范姜特地在深灣遊艇會搞壽宴，並訂製他至愛的拿破崙蛋糕。校長譚詠麟、李克勤、阿叻陳百祥、張智霖、袁詠儀、草蜢、阮兆祥、周汶錡及周麗淇等多位圈中好友到賀，為配合森林主題，各人奉旨「扮嘢」，其中阿嬌鍾欣桐變身豹妹，靚靚袁詠儀則做獵人，還攞道具槍指嚇披「獸皮」的阿倫，熱鬧又惹笑。

除了女友的悉心安排，大女嘉晴亦特地在社交網站寫了一篇文章，令阿B窩心到震：「內容好感動，睇到我眼濕濕，覺得佢真係大個女。」他表示最特別的禮物，是收到限量版手錶，還有大量各式酒類，笑言數量之多，可由現在飲到其七十大壽。

群星以森林主題到賀阿B壽宴，其中「獵人」靚靚與披「獸皮」的阿倫這個組合，兇殘不足，搞笑搶Fun！

阿B喜得女友范姜、愛女嘉晴、鍾懿及鍾幗在身邊，日日都咁開心。